താഴെ പറയുന്നവരിൽ ഭരണഘടനാ നിർമാണസഭയുടെ ചെയർമാൻ ആരായിരുന്നു?

ഡോ.രാജേന്ദ്ര പ്രസാദ് ആണ് ശരിയുത്തരം.

1946 ഡിസംബർ 6നാണ് ഭരണഘടനാ  നിർമ്മാണസഭ രൂപീകരിക്കപ്പെട്ടത്.

ക്യാബിനറ്റ് മിഷൻ പ്ലാനിന്റെ ഭാഗമായിട്ടായിരുന്നു രൂപീകരണം.

ഭരണഘടനാ നിർമ്മാണസഭയാണ് ഇന്ത്യയുടെ ഭരണഘടനക്ക് രൂപം നൽകിയത്.

ഭരണഘടന  പൂർത്തിയാക്കാൻ രണ്ടു വർഷവും 11 മാസവും 18 ദിവസവും വേണ്ടിവന്നു.

1946 ഡിസംബർ 9ന് ആയിരുന്നു ആദ്യ ഭരണഘടനാ  നിർമ്മാണ സഭ യോഗം.

ആദ്യ യോഗത്തിൽ ഡോ. സച്ചിദാനന്ദ സിൻഹ താത്കാലിക പ്രസിഡന്റ് ആയി തെരെഞ്ഞെടുക്കപ്പെട്ടു.

1946 ഡിസംബർ 11ന് സ്ഥിരം പ്രസിഡന്റ് ആയി ഡോ. രാജേന്ദ്ര പ്രസാദിനെ തെരെഞ്ഞെടുത്തു.

എച് സി മുഖർജി ആയിരുന്നു ഭരണഘടനാ നിർമ്മാണ സഭയുടെ ഉപാധ്യക്ഷൻ.

ബി. എൻ റാവു ആയിരുന്നു ഭരണഘടനാ സമിതിയുടെ ഭരണഘടനാ ഉപദേശകൻ.

ഡോ. അംബേദ്‌കർ ആയിരുന്നു ഡ്രാഫ്റ്റിംഗ് കമ്മിറ്റിയുടെ ചെയർമാൻ.

1946 ഡിസംബർ 13ന് ജവഹർലാൽ നെഹ്‌റു ഭരണഘടനാ സമിതിയിൽ ഒബ്ജക്റ്റീവ് പ്രമേയം അവതരിപ്പിക്കുകയുണ്ടായി. യൂണിയൻ ഭരണഘടന കമ്മിറ്റിയുടെ ചെയർമാൻ ആയിരുന്നു അദ്ദേഹം.

മൗലികാവകാശങ്ങൾ, ന്യൂനപക്ഷം എന്നിവക്കുള്ള കമ്മിറ്റിയുടെ ചെയർമാൻ ആയിരുന്നു സർദാർ പട്ടേൽ.